काभ्रेः नेकपा (माओवादी केन्द्र) निकट अखिल नेपाल ट्रेड युनियन महासंघ काभ्रेको अध्यक्षमा राजन अधिकारी निर्वाचित भएका छन् । शानिबार बनेपास्थित् छैटौं जिल्ला भेलाबाट ट्रेड युनियन महासंघ काभ्रेको अध्यक्षमा अधिकारी निर्विरोध चयन भएका हुन् ।
ट्रेड युनियन महासंघ काभ्रेको उपाध्यक्षमा रामगोपाल भुजेल, जय केसी, गिता खुलाल, सचिवमा दिल बहादुर भुजेल, सह–सचिवमा नारायण फुयाल र कोषाध्यक्षमा सीता अधिकारी सहित ३५ सदस्यीय समिति चयन भएका छन् ।
कार्यक्रममा प्रतिनिधिसभा संसद सुर्यमान दोङ (लालध्वज), मिना तामाङसँगै प्रदेश सभामा निर्वाचित संसद रत्न ढकाल र रुकु चौलगाईं लगायतलाई सम्मान गरिएका थिए ।
ट्रेड युनियन महासंघ काभ्रेको छैटौँ भेला माओवादी केन्द्र स्थायी समिति सदस्य एवं मजदुर फ्याक्सन इन्चार्ज जय पुरी घर्तिको प्रमुख अतिथ्यता तथा जिल्ला इन्चार्ज होम बहादुर खुलालको अध्यक्षतामा सम्पन्न भएको थियो ।