खानीखोला, काभ्रेः काभ्रेको विकट क्षेत्र खानीखोला गाउँपालिकाले कफीमा अनुदान दिनेगरी तौल लिने काम शुरु गरेको छ । खानीखोला गाउँपालिकाका अध्यक्ष इन्द्रबहादुर थिङ (छिन्ताङ)ले ‘जसको उत्पादन उसैलाई अनुदान’ कार्यक्रम अन्तर्गत कृषकको कफीको तौल लिने काम शुरु गरिएको जानकराी दिए ।
अध्यक्ष थिङका अनुसार गाउँपालिकाले कफीमा प्रतिकेजी ३५ रुपैँया अनुदान दिने छ । पहिलो चरणमा गाउँपालिकाको वडा नम्बर १ र २ को विभिन्न कृषक समुहको कफि तौल लिने काम भएको छ ।
वडा नम्बर २ का वडा अध्यक्ष दशरथ थिङको अनुसार वडा नं. १ र २ मा गरी करिब ७ हजार केजी कफी उत्पादन तौल भएको छ । कफीको तौल कृषि प्राविधिक कर्मचारीहरुको रहोबरमा भइरहेको हो ।
