उपराष्ट्रपतिको उम्मेदवार ममता झालाई समर्थक र प्रस्तावकबाटै धोका

0
150

काठमाडौँ । जनमत पार्टीबाट उपराष्ट्रपतिको उम्मेदवार बनेकी ममता झालाई प्रस्तावक र समर्थक बसेकै पार्टीले मत नदिएको खुलेको छ । उपराष्ट्रपतिमा झाको समर्थक र प्रस्तावकमा लोकतान्त्रिक समाजवादी पार्टी र नागरिक उन्मुक्ति पार्टीले जनता समाजवादी पार्टी नेपाल (जसपा)को तर्फबाट उपराष्ट्रपतिका उम्मेदवार बनेका रामसहाय यादवलाई मतदान गरेको खुलेको हो ।

उम्मेदवार झाको प्रस्तावकमा जनमतका अब्दुल खान, अनिता देवी, नागरिक उन्मुक्ति पार्टीका गंगाराम चौधरी, लोसपाका अभिराम शर्मा र रूपाकुमारी यादव रहेका थिए । यस्तै, समर्थकमा जनमत पार्टीका गोमा लाभ सापकोटा, विनीता कुमारी सिंह, वसन्तकुमार कुशवाहा, नागरिक उन्मुक्ति पार्टीका रामप्रकाश चौधरी र लोसपाका रानीकुमारी तिवारी रहेका थिए ।

लोसपाका कार्यकारिणी सदस्य एवं मधेश प्रदेशको प्रदेश सभा सदस्य जितेन्द्र सोनलले १० दलीय गठबन्धनका साझा उम्मेदवारलाई आफ्नो पार्टीले मतदान गरेको बताए । १० दलीय गठबन्धनको साझा उम्मेदवार रामसहाय यादव रहेको उनको भनाइ छ ।

जनमत पार्टीले उपराष्ट्रपतिमा ममता झालाई उठाएसँगै जनमत, लोसपा र उन्मुक्ति पार्टीको बीचमा कार्यगत एकता घोषणा भएको थियो । तर उपराष्ट्रपतिको निर्वाचनमा एकमत हुन सकेनन् । १० दलीय गठबन्धनमध्ये जनमतबाहेक सबै दलको मत रामसहाय यादवलाई गएको देखिएको छ ।

LEAVE A REPLY

Please enter your comment!
Please enter your name here