काठमाडौं । विश्व सम्पदा सूचीमा सूचीकृत बौद्धनाथ क्षेत्रमा २५६९ औं बुद्ध जयन्ती मनाउन मूल समारोह समिति गठन गरिएको छ ।
प्रत्येक वर्ष वैशाख शुक्ल पूर्णिमाका दिन बुद्धजयन्ती पर्व मनाइन्छ। श्री बौद्धनाथ क्षेत्र विकास समितिको संयोजकत्वमा बौद्ध क्षेत्रका विभिन्न संघ संस्था सदस्य रहने गरी समिति गठन गरिएको हो ।
शनिवार समितिको कार्यलयमा भएको छलफलले २५६९ औं बुद्धजयन्तीलाई बुद्धका सन्देशहरु र दर्शन बुझ्ने मात्र नभइ विश्व सम्पदा सूचीमा सूचीकृत बौद्धनाथ को प्रचार विश्वव्यापी बनाउने गरी मनाउन लागिएको समितिका अध्यक्ष राजकुमार लामाले जानकारी दिए ।
उनले बुद्धको जन्मजयन्तीमा विश्वभरका बौद्धमार्गीहरुलाई बौद्धमा समेत आउने वातावरण बनाउन २५६९ औं बुद्ध जयन्ती अन्तर्राष्ट्रिय रूपमा सन्देश दिने गरि भव्य रुपम मनाउन लागिएको लामाले जानकारी दिए । बुद्धको जन्म, ज्ञान प्राप्ति, महापरिनिर्वाण ९मुत्यु० वैशाख शुक्ल पूर्णिमाकै तिथिमा परेकाले यस दिन नेपाललगायत विश्वका बौद्ध धर्मावलम्बीले बुद्धप्रति भावपूर्ण श्रद्धा र भक्तिले बुद्धजयन्ती मनाउने गर्दछन् ।
