काभ्रे : काभ्रेपलाञ्चोक जिल्लामा छोटो समयमै सबैको मनजित्न सफल भएको अन्लाईन मदानीबिट डटकम, आजबाट दोस्रो वर्षमा प्रवेश गरेको छ । नेपाली मिडिया र सूचना प्रवाहलाई डिजिटल युगमा स्थापित गर्ने उद्देश्यसहित सुरु गरिएको यो प्लेटफर्मले पहिलो वर्षमै आफ्नो बेग्लै पहिचान बनाउन सफल भएको छ ।
मदानीबिटले स्थानीय, राष्ट्रिय, र अन्तर्राष्ट्रिय समाचार तथा विचारलाई सही, तथ्यपूर्ण र सन्तुलित रूपमा प्रस्तुत गर्दै पाठकहरूको मन जितेको छ। पहिलो वर्षका अनेक चुनौतीहरूप्रति दृढता देखाउँदै यसले आफ्ना पाठकहरूलाई सत्यतथ्य सूचनाको निरन्तर आपूर्ति गर्यो ।
मदानीबिटको पहिलो वर्ष उत्साहजनक उपलब्धिहरूले भरिएको थियो । समाचार प्रकाशनका क्रममा धेरै कठिनाइ सामना गर्नुपरे पनि, स्थानीय मुद्दाहरूलाई प्राथमिकतामा राख्दै यसले समुदायको विश्वास जित्न सकेको छ । ग्रामीण क्षेत्रमा समाचारको पहुँच अभावलाई सम्बोधन गर्दै, यसले काभ्रेका जनताका आवाजलाई राष्ट्रिय स्तरमा पुर्याउन महत्वपूर्ण भूमिका खेलेको छ।
आर्थिक र प्राविधिक चुनौतीका बाबजुद, मदानीबिटले डिजिटल माध्यममा नेपाली पत्रकारिताको नयाँ ढोका खोल्ने प्रयास गरिरहेको छ । समाजमा सचेतना फैलाउने मात्र नभई, सही सूचना दिन र सामाजिक विषयमा छलफल गर्ने थलोका रूपमा यसको भूमिकालाई पाठकहरूले प्रशंसा गरेका छन् ।
दोस्रो वर्षमा प्रवेश गर्दा, मदानीबिट डटकमले आफ्नो यात्रा अझ सुदृढ, परिपक्व र उद्देश्यपूर्ण बनाउने अठोट लिएको छ। काभ्रेको पहिचानलाई उजागर गर्दै, सत्य र सन्तुलित पत्रकारिताको यो अभियानले पाठकहरूको विश्वासलाई निरन्तर कायम राख्ने छ। डिजिटल युगको यस यात्रामा मदानीबिटले आफ्ना सबै पाठक, सहयोगी, र शुभचिन्तकहरूको साथ पाउने अपेक्षा गरेको छ ।
