काभ्रे । काभ्रे जिल्लाको बेथानचोक गाउँ पालिकामा रहेको बेथानचोक नारीचेतना बचत तथा ऋण सहकारी संस्थाको आयोजनामा छैटौं बेथानचोक ५ च्याल्टीमा वडाकप फुटबल प्रतियोगिता हुने भएको छ ।
स्थानिय खेलाडीहरूलाई आफ्नो क्षमता प्रदर्शन गर्न, खेलकुदमा रुचि जागरुकता बढाउन र सामुदायिक सद्भावलाई प्रोत्साहन गर्न यस खेलको आयोजना गर्न लगेको हो । खेलकुदमा प्रतिस्पर्धा गर्नु मात्र नभई, स्थानिय खेलाडीहरूलाई प्रोत्साहन गर्ने, प्रतिभाहरूको खोजी गर्ने र खेलकुद क्षेत्रमा समर्पणशील नयाँ पुस्तालाई प्रेरित गर्ने रहेको छ।
बेथानचोक गाउँपालिका अन्तर्गतका सबै वडाहरूलाई समेटेर आयोजना गरिने यस प्रतियोगितामा विभिन्न उमेर समुहका खेलाडीहरूले सहभागीता जनाउनेछन्। यसले बेथानचोक वडाकपलाई विविधता र समावेशीताको उत्कृष्ट उदाहरण बनाएको छ। खेलकुदले स्वस्थ शरीर र स्वस्थ मानसिकताको विकासमा महत्त्वपूर्ण भूमिका खेल्ने तथ्यलाई मध्यनजर राख्दै नारीचेतना बचत तथा ऋण सहकारी संस्था यस कार्यक्रमको आयोजना गर्न लागेको हो।
यस प्रतियोगितामा विभिन्न उमेर समूहका टोलीहरूबीच प्रतिस्पर्धा हुने छ, जसमा स्थानीय प्रतिभावान खेलाडीहरूले फुटबल कौशल प्रदर्शन गर्ने मौका पाउनेछन्। बेथानचोक वडाकपले गाउँपालिकाको फुटबलस्तर उकास्न मात्र होइन, खेलाडीहरूलाई राष्ट्रिय तथा अन्तर्राष्ट्रिय स्तरसम्म पुर्याउने सम्भावना पनि उजागर गर्ने उद्देश्य राखेको छ। यसले गाउँको युवा पुस्तालाई खेलकुद क्षेत्रमा सक्रियताका साथ लाग्न प्रेरित गर्नेछ, जसले दीर्घकालिन रूपमा खेलकुद विकासमा सहयोग पुर्याउन सक्छ।
यस प्रतियोगिताको आयोजनाका लागि नारीचेतना बचत तथा ऋण सहकारी संस्थाले विभिन्न पक्षसँग सहकार्य गर्दै तयारी गरेको छ। प्रतियोगितामा उत्कृष्ट खेल प्रदर्शन गर्ने खेलाडीहरूले पुरस्कार तथा सम्मान प्राप्त गर्नेछन्।
बेथानचोक वडाकपको विशेषता भनेकै यसले समाजमा खेलकुदप्रतिको रुचि र चेतना फैलाउने हो। प्रतियोगितामा ठूलो संख्यामा दर्शकहरूको उपस्थितिले समाजमा एकता, सद्भाव र भाईचारा विकासमा सकारात्मक भूमिका खेल्छ। यो प्रतियोगिता गाउँका सबै तह, तप्का, र आयु समूहका मानिसहरूलाई एकत्रित गर्ने एउटा साझा मञ्च पनि हो। यसरी, बेथानचोक वडाकप फुटबल प्रतियोगिता नारीचेतना बचत तथा ऋण सहकारी संस्थाको योगदानले बेथानचोक गाउँपालिकामा खेलकुद, संस्कृति, र समुदायबीचको सम्बन्धलाई प्रगाढ बनाउने महत्वपूर्ण भूमिका खेल्दछ ।
बेथानचोक नारीचेतना बचत तथा ऋण सहकारी संस्था द्वारा आयोजित यस प्रकारका प्रतियोगिताहरूले खेलकुद क्षेत्रमा नयाँ आयाम थप्ने विश्वास गरिएको छ।
