काभ्रे । सत्य वचन परम ईश्वरीय मार्ग दर्शन सामाजिक संस्थाले काभ्रेका बाढीपहिरोबाट पीडित परिवारलाई राहत वितरण गरेको छ । मंगलबार जिल्लाको बेथानचोक गाउँपालिका र पनौती नगरपालिकाको ६० घरधुरी बाढीपहिरो पीडित परिवारहरुलाई राहत वितरण गरेको हो ।
सत्य वचन परम ईश्वरीय मार्ग दर्शन सामाजिक संस्थाको संरक्षण तथा टिचर श्रीकृष्ण आले मगरको आर्थिक सहयोगमा संस्थाले बेथानचोक गाउँपालिकाको वडा नं. ४ र पनौती नगरपालिका वडा न: ७ मा प्रेम कुमारी लामाको बिशेष उपस्थितिमा प्रति परिवार १ बोर चामल, ५ केजी दाल,२ लिटर तेल,२ केजी नुन , जिरा १/२ केजी, मस्यौउरा १ केजी, फाइबर सिरग १ थान, म्याट २ मिटर, चाउचाउ,गरी ६० घर घुरी परिवारलाई राहत वितरण गरिएको हो ।
त्यसै गरि बेथानचोक गाउँपालिकामा वडा नम्बर ४ चलाल गणेशस्थान सलाङदुङ् बगरमा २७ परिवारलाई र पनौती नगरपालिका वडा नम्बर ७ पनौती बगरमा ३३ घर घुरी परिवारलाई स्थलगत अनुगमन गरि पीडितहरुको घर घरमा पुगि प्रेम कुमारी लामाको बिशेष उपस्थितिमा राहत वितरण गरेको हो ।
प्रेम कुमारी लामा, मायाँ गुरुङ, नर बहादुर बिशुन्खे, कुमार वाईबा, सोनि गुरुङको विषेश पहलमा, राहत वितरण भएको थियो । यस कार्यमा पीडित सामु पुर्याउनका लागि उमा तामाङ्ले समन्वय र सहकार्य गरेकी थिईन् भने विशेष पहल खेम बहादुर गुरुङले गरेका थिए ।
सत्य वचन परम ईश्वरीय मार्ग दर्शन सामाजिक संस्थाले बिगतमा पनि हरेक समस्यमा परेकाहरुका लागि सहयोग गर्दै आएका छन् ।
