काभ्रे : काभ्रेपलाञ्चोक जिल्लाको बेथानचोक गाउँपालिका वडा नं. ५ मा पहिरोले २ जना पुरिएकोमा एकजनाको मृत्यु भएको छ । पहिरोले पुरिएर ज्यान गुमाउने व्यक्ति प्रेमबहादुर वाइबा रहेको छ ।
विर बहादुर वाईवा गोठमा जादै थियो र प्रेम बहादु वाईवा पसलमा समान किन्न आउने क्रममा खोरेङ खोला अचनक ठुलो आई तर्न नसकेपछि अर्कै बाटो प्रयोग गरेर घर र गोठ तर्फ जाँदै गर्दा वाइबालाई माथिबाट पहिरोआई पुरेको हो । प्रेम बहादुरलाई पुराई पहिरोले पुरिएको थियो भने विर बहादुरको खुट्टा मात्र पुरेको थियो ।
हालसम्म घटनास्थलमा प्रहरी पुग्न सकेको छैन। यसैगरी, बेथानचोक गाउँपालिका वडा नं. ४ का वडा अध्यक्ष कृष्णबहादुर लामाको गोठ पनि पहिरोले पुरिएको खबर प्राप्त भएको छ। थप क्षतिको विवरण र उद्धार कार्यका लागि सुरक्षाकर्मीहरूलाई घटनास्थलमा परिचालन गरिने तयारी भइरहेको छ।
