काठमाडौं । बौद्ध भेट्रान क्लबको आयोजनामा तेस्रो चित्रकुमार स्मृति भेट्रान कप सेभेन ए साइड फुटबल प्रतियोगिता हुने भएको छ । आगामी असाेज ७ गतेदेखि सुरू हुने प्रतियोगिता १२ गतेसम्म सञ्चालन हुनेछ ।
‘स्वास्थ्यको लागि खेलकुद, राष्ट्रको लागि खेलकुद’ भन्ने नाराका साथ बौद्ध टाउन प्लानिङ स्थित फुटबल मैदानमा हुने प्रतियोगिताका लागि सहभागि हुने टिमले असाेच ४ गतेसम्ममा दर्ता गराउनु पर्ने भेट्रान क्लबका अध्यक्ष विवेक लामाले जानकारी दिए ।
४० वर्षमाथि उमेरसमूहको नकआउट प्रतियोगितामा प्रथम हुनेले २ लाख र द्वितिय हुनेले १ लाख नगद पुरस्कारसहित ट्रफी, मेडल र प्रमाणपत्र पाउने क्लबका उपाध्यक्ष साेनाम लामाले जानकारी दिए । उनका अनुसार दर्ताका लागि शुल्क भने १० हजार लाग्नेछ ।
यसैगरी आयोजक बौद्ध भेट्रान क्लबले “तेस्रो चित्र कुमार स्मृति भेट्रान कप“ प्रतियोगितामा सहभागी हुन आव्हान समेत गरेको छ ।
