काभ्रे : आज मे १ तारिख १३५ औं अन्तराष्ट्रिय श्रमिक दिवस । काभ्रे सहित देशभर विभिन्न कार्यक्रम गरी मजदुर दिवस मनाएको छ । नेपालसहित विश्वका मजदुरले मे १ लाई विषेश पर्वकारुपमा मनाउदै आएका छन् । श्रमिकको हकअधिकारको सुनिश्चितताका लागि दबाब दिने उद्देश्यले हरेक वर्ष श्रमिक दिवस मनाइँदै आएको छ ।
आखिल नेपाल ट्रेड युनियन महासंघ काभ्रे शाखाले १३५ औं अन्तराष्ट्रिय श्रमिक दिवस अन्तरक्रिय कार्यक्रम सम्पन्न भएको छ । कार्यक्रममा आखिल नेपाल ट्रेड युनियन काभ्रे शाखा महासंघका अध्यक्ष राजन अधिकारीको प्रमुख आतिथ्यतामा सम्पन्न भएको हो ।
श्रमिक अधिकारको व्यवस्था संविधानमा समेत समावेश छ । उक्त व्यवस्था कार्यान्वयन गर्न दवाव दिन मे दिवस मनाउन थालिएको हो । मे दिवसलाई लक्षित गरी सरकारले ल्याएको श्रम ऐन, २०७४ र योगदानमा आधारित सामाजिक सुरक्षा कार्यक्रम कार्यान्वयन गर्न सरकार र रोजगारदातालाई दवाव दिन थालिएको ट्रेड युनियन महासंघ काभ्रेका अध्यक्ष राजन अधिकारीले जानकारी दिए ।
सन् १८८६ मा अमेरिकाको सिकागोमा आठ घन्टा काम, आठ घन्टा मनोरञ्जन र आठ घन्टा आराम भन्ने नारासहित मजदुर आन्दोलन भएको थियो । उक्त दिनको सम्झनामा नेपालसहित विश्वभर श्रमिक दिवस मनाइन्छ । सन् १८८९ मा फ्रान्सको पेरिसमा सम्पन्न विश्वका श्रम संगठन एवम् श्रमिक नेताको बैठकले मे १ तारिखका दिन अन्तर्राष्ट्रिय श्रमिक दिवस मनाउने घोषणा गरेसँगै सन् १९९० देखि विश्वभर यो दिवस मनाइन्छ ।
सामाजिक सुरक्षा निस्चित्ता र जिवन धन्ने उदेश्य सहित श्रम गर्न प्रोत्साहन गरी ठेकेधार तथा श्रम ऐनका मजदुर विरोधीहरुको खारेजको माग गर्दै १३५ औं मे दिवसको अवसरमा जिल्लामा श्रम वजार र श्रमिकहरुको वर्तामान अवस्था विषयमा अन्तरक्रिय कार्यक्रम सम्पन्न भएको हो ।
कार्यक्रमा वोल्दै आखिल नेपाल ट्रेड युनियन काभ्रे शाखाका जिल्ला उपाध्यक्ष जय केसीले रोजगार दात्ता र श्रमिक विच नङ र मासुको सम्बन्ध कायम राख्न माग राख्दै रोजगार दात्ताले श्रमिको निस्वार्थ पुरा गर्नु पर्ने स्थानिय तहले हेल्प डेस्क राख्दै श्रमिकले पनि आफ्नो कर्तव्य पुरा गर्नु पर्ने वताए ।
कार्यक्रममा ट्रेड युनियन महासंघका सह–सचिव नरायण फुयाँल, दलित मुक्तिमोर्चका केन्द्रीय सदस्य विनोद नेपाली, मगर संघका काभ्रे जिल्ला अध्यक्ष सम्शेर राना मगर, ट्रेड युाियन महासंघका सदस्य इन्द्रमणी तिमल्सिना लगाएतको उपस्थितिमा कार्यक्रम सम्पन्न भएको हो ।
