पोखरा : पोखराबाट बिरगंज तर्फ आउँदै गरेको ५४३४ नम्बरको यात्रुवाहक बसका सहचचालकले पोखराबाट हेटौंडा तर्फ आउँदै गरेकी एकजना शारीरिक अपाङ्गता भएकी महिलालाई भाडा माग्ने क्रममा दुर्ववहार गरेका छन् ।
पोखराको अमरसिंह चोकबाट चढेकी उनले भाडा दिने समयमा सहुलियतका लागि आफ्नो अपाङ्गता परिचयपत्र देखाएकी थिइन् ।
निक्कै नम्रतका साथ परिचयपत्र देखाएर छुट माग्न खोज्दा बसका सहचालकले नेपालमा अपाङ्गता भएका व्यक्तिलाई सार्वजनिक यातायातमा छुट दिने व्यवस्था नरहेको र आफुले कुनै पनि हालतमा छुट दिन नसक्ने भनी उग्ररूप लिइएका थिए ।
विवाद उतकर्षमा पुग्न थालेपछि पिडित भनिएकी थापाले ट्राफिक प्रहरी सङग सहयोग लिन खोज्छिन ।
तनहुँ प्रहरीबाट सहयोग नपाएपछि आबु खैरेनी हुँदै मुग्लिन प्रहरीले उक्त बसलाई समाएर सहचालकलाई राज्यले प्रदान गरेको सेवासुविधाका विषयमा सम्झाइबुझाइ गरेको थियो ।
अपाङ्गता भएका व्यक्तिको अधिकार सम्बन्धि ऐन २०७४ परिच्छेद ८ को दफा ३५ मा स्प्रस्ट रुपमा सार्वजनिक यातायातबाट अपाङ्गता भएका यात्रुले यात्रा गर्दा ५०% छुट दिनु पर्ने कुरा उल्लेख गरिएको छ ।
