काठमाडौंः राष्ट्रिय परीक्षा बोर्डले यस वर्षको माध्यमिक शिक्षा परीक्षा ९एसईई० को नतिजा आज सार्वजनिक गरेको छ । यस पटकको नतिजा लेटर ग्रेडिङ निर्देशिका २०७२ अन्तर्गत नै सार्वजनिक भएको छ, जसमा कोही पनि विद्यार्थी अनुत्तीर्ण हुँदैनन् । २०७८ मा नयाँ लेटर ग्रेडिङ निर्देशिका बनेपनि लागू नभइसकेका कारण बोर्डले पुरानै निर्देशिका अनुसार नतिजा प्रकाशन गरेको हो ।
परीक्षामा चार लाख ८४ हजार ९३९ जना विद्यार्थी सहभागी भएका थिए । यसअन्तर्गत ३.६ देखि ४ जीपीए ल्याउनेको संख्या २२ हजार ४७५ जना, ३.२ देखि ३.६ जीपीए ल्याउनेको संख्या ५५ हजार ६९ जना, २।८ देखि ३।२ जीपीए ल्याउनेको संख्या ७२ हजार ३६२ जना, २.४ देखि २.८ जीपीए ल्याउनेको संख्या ८९ हजार ३३१ जना र २ देखि २.४ जीपीए ल्याउनेको संख्या एक लाख दुई हजार २९३ जना छ ।
त्यस्तै १।६ देखि २।० जीपीए ल्याउनेको संख्या ८८ हजार ४४७ जना, १.२ देखि १.६ जीपीए ल्याउनेको संख्या ३८ हजार ७७० र ०.८० देखि १.२० जीपीए ल्याउनेको संख्या दुई हजार २०० रहेको छ ।
पुरानो निर्देशिका अनुसार ३५ प्रतिशतभन्दा कम अङ्क ल्याउने विद्यार्थीको पनि ग्रेडिङ हुन्छ । उनीहरूलाई प्राप्ताङ्कका आधारमा कम्तीमा ‘ई’ ग्रेडसम्मको प्रमाणपत्र दिइन्छ ।
तर नयाँ लेटर ग्रेडिङ निर्देशिका, २०७८ अनुसार सैद्धान्तिकमा ३५ र प्रयोगात्मकमा ४० अङ्क नल्याउने विद्यार्थी परीक्षामा अनुत्तीर्ण हुन्छन् । उनीहरूलाई दिइने प्रमाणपत्रमा एनजी अर्थात् (नन ग्रेडेड) लेखिन्छ । तर मूल प्रमाणपत्र भने प्रदान गरिँदैन ।
आज हामी पुरानो ग्रेडिङ निर्देशिका अनुसार विद्यार्थीले प्राप्त गरेको ग्रेडका आधारमा उनीहरूले पढ्न पाउने विषय बारे जानकारी दिन्छौं । एसईई पछि त्यति धेरै सूचना प्रविधि (आईटी) को कोर्षको विकल्प छैनन् । कक्षा ११ र १२ तथा ‘ए’ लेभलमा कम्प्युटर विषय पढ्नु, सीटीईभीटीको प्राविधिक धार तर्फको आईटी विषय पढ्नु केही विकल्प हुन् ।
कक्षा ११ मा विज्ञान समूह, व्यवस्थापन समूहमा कम्प्युटर पढाइ हुन्छ । विज्ञान समूहअन्तर्गत फिजिक्स, केमेस्ट्री, बायोलोजी, म्याथ, कम्प्युटर साइन्स र एग्रिकल्चर समूहमा पढाइ हुन्छ । यी समूहमा भर्ना हुन विज्ञान र गणितमा ‘सी प्लस’ ल्याई कुल ग्रोडिङमा कम्तीमा २.० जीपीए ल्याएको हुनुपर्छ । नेपाली, अंग्रेजी र सामाजिक अध्ययनमा ‘डी’ ग्रेड ल्याएर यी बाहेक अन्यमा जुनै ग्रेड ल्याए पनि विज्ञान पढ्न पाउँछन् ।
त्यस्तै न्यूनतम जीपीए १.६ ल्याएका, तर गणित, नेपाली, अंग्रेजी, सामाजिक अध्ययन र विज्ञान गरी पाँच विषयमा ‘डी प्लस’ ल्याएका विद्यार्थीले व्यवस्थापन तथा मानविकीका विषय समूहमा भर्ना हुन सक्छन् । तपाईंले यति अङ्क प्राप्त गर्नु भए कम्प्युटर पढ्न पाउनुहुन्छ ।
यता सीटीईभीटीले तीन वर्षे डिप्लोमा स्वास्थ्य, इन्जिनियरिङ, कृषि तथा हस्पिटालिटी गरी चार विधामा प्राविधिक कोर्ष सञ्चालन गरिरहेको छ । जसमध्ये स्वास्थ्य तर्फका विषय पढ्न गणित, विज्ञान र अंग्रेजी विषयमा कम्तिमा ‘सी’ ग्रेड प्राप्त गरी न्यूनतम २.० जीपीए चाहिन्छ ।
त्यस्तै इन्जिनियरिङ तर्फका विषय पढ्न गणित र विज्ञानमा कम्तीमा ‘सी’ ग्रेड र अंग्रेजीमा कम्तीमा ‘डी प्लस’ ग्रेड प्राप्त गरी न्यूनतम २.० जीपीए ल्याएको हुनुपर्छ । कृषि तथा हस्पिटालिटीका विषय पढ्न गणित, विज्ञान र अंग्रेजीमध्ये कुनै दुई ओटा विषयमा कम्तिमा ‘सी’ ग्रेड र एउटामा कम्तीमा ‘डी प्लस’ ग्रेड प्राप्त गरी न्यूनतम २.० जीपीए ल्याउनु पर्छ । तर १८ महिने प्रि डिप्लोमा तहमा जति जीपीए ल्याए पनि भर्ना हुन सकिन्छ ।
समग्रमा सैद्धान्तिक विषयतर्फ ‘सी’ वा तलको तल्लो ग्रेड प्राप्त गरेका परीक्षार्थीले चाहेमा ग्रेड वृद्धिको परीक्षा दिन पाउँछन् । त्यस्तै मूल परीक्षामा दुई विषयसम्म अनुपस्थित भएको वा दुई विषयसम्म ग्रेड नखुलेका विषयमा पनि परीक्षार्थीले परीक्षा दिन सक्नेछन् ।
