काभ्रे : नेपाली कांग्रेसको बागमती प्रदेश प्रतिनिधि तथा समाजसेवी विकाश योञ्जनले विरामी र विद्यालयलाई सहयोग गरेका छन् ।
नेता तथा समाजसेवी लामाले जिल्लाको विकट महाभारत गाउँपालिका–२ को आसलाल गोलेको छोरा धनबहादुर गोलेलाई आर्थिक र सोही वडाको पात्लेखेतस्थित् रहेको श्री हरिसिद्धि प्राथमिक विद्यालयका विद्यार्थीका लागि झोला सहयोग गरेका हुन् ।
उनले जिल्लास्थित् एक अस्पतालमा उपचारत गोलेलाई अस्पतालमै पुगेर विरामीको स्वास्थ्य लाभको कामनासहित सहयोग रकम हस्तान्तरण गरेका थिए । उनले आर्थिक अवस्था कमजोर भई समस्या झेलीरहेका गोलेको थप उपचारको लागि मद्दत मिलोस् भन्ने उद्देश्यले आर्थिक सहयोग गरेको बताए ।
त्यस्तै नेता तथा समाजसेवी योञ्जनका अनुसार हरिसिद्धि प्राविलाई झोला सहयोग गरेका छन् । ती झोला विद्यालयले एक कार्यक्रमबिच विद्यार्थीलाई वितरण गर्ने छ । करिब दुई लाख बराबरको उक्त झोला नेता तथा समाजसेवी योञ्जनले विद्यालयका प्रधानध्यापक आशिष योञ्जनलाई हस्तान्तरण गरेका छन् ।
गरिवी, भौगोलिक विकता र सामाजिक रुपले पछि परेका महाभारत गाउँपालिकाका बालबालिकाकोे खाली हात तथा प्लाष्टिकको झोला किताब बोकेर पढ्नु पर्ने बाध्यताको अन्त्यको लागि केही राहत मिलोस र आगामी दिनमा बालबालिकाले त्यसरी पढ्नु नपरोस् भनेर किताब बोक्ने झोला सहयोग गरेको उनले बताए । उनले भने, ‘टाढाटाढाबाट हिँडेर आउने विद्यार्थीलाई झोला नभएर किताब जोगाउन समस्या देखेपछि सहयोग गरेको हो ।’
त्यस्तै समाजसेवी योञ्जनले सामुदायिक विद्यालयप्रतिको मोह बढाउन र त्यहाँ अध्ययनरत गरीब, दलित समुदायका विद्यार्थीलाई शिक्षाको पहुँचमा पु¥याउन झोला सहयोग गरिएको बताए । उनले ४७ थान झोला वितरण गरेको जानकारी दिए ।
विद्यालयका प्रधानाध्यापक योञ्जनले नेता तथा समाजसेवी योञ्जनको सहयोगले खुल्ला रुपमा हात किताब बोक्नु पर्ने बाध्यता रहेको विद्यार्थीलाई राहत भएको बताए । उनले भने, ‘पहिले हातमा किताब बोकेर विद्यालय आउने विद्यार्थी अब झोलामा किताब बोकेर आउँने छन् ।’
समाजसेवी योञ्जनले यसअघि कोरोना महामारीको कहर राहतसँगै विभिन्न समयमा नागरिक तथा विद्यार्थीलाई झोला, खेलकुद जस्ता सामाग्री सहयोग गर्दै आएका छन् ।
